बालाजी देडगाव (प्रतिनिधी)- नेवासा तालुक्यातील बालाजी देडगाव येथील देवीवस्ती जिल्हा परिषद प्राथमिक शाळेत पालक सहविचार सभा खेळीमेळीच्या वातावरणात संपन्न झाली. यावेळी साहेबराव पाटील कदम, चंद्रकांत पाटील मुंगसे,मधुकर पाटील वांढेकर,शाळा व्यवस्थापन समितीचे अध्यक्ष अमोल पाटील कुटे,उपाध्यक्ष अदिनाथ पाटील वांढेकर,विष्णू पाटील म्हस्के,गणेश पाटील कुटे,विलास पाटील म्हस्के,रविंद्र पाटील वांढेकर,राजू पवार,भानुदास पाटील कुटे,नितीन पाटील कदम,गणेश पाटील मुंगसे,सर्जेराव पाटील मुंगसे,अदिनाथ पाटील कदम,अंगणवाडी सेविका रुक्मिणी तांबे,मदतनीस राधिका मुंगसे,लताबाई मोहन ताके,जिजाबाई मुंगसे,अलका अशोक कदम,मंदाबाई पवार आदि पालक मोठ्या संख्येने उपस्थित होते.
मनोगतात अध्यक्ष अमोल पाटील कुटे यांनी आपले विचार व्यक्त केले. केंद्रस्तरावरील स्पर्धेत प्रियंका रविंद्र वांढेकर हीने वेषभूषा सादरीकरणात प्रथम, विराज अमोल कुटे याने वक्तृत्वात मोठ्या गटात व्दितीय,समृद्धी रविंद्र वांढेकर बालगटात वक्तृत्वात व्दितीय क्रमांक पटकावल्याबद्दल मान्यवरांच्या हस्ते भेटवस्तू देवून सन्मानित करण्यात आले. शाळेतील शिक्षक अभिषेक घटमाळ यांनी त्यांची कन्या अभिप्रिया घटमाळ हीच्या वाढदिवसानिमित्त विद्यार्थ्यांना शैक्षणिक साहित्य व खाऊ वाटप केले. यावेळी सर्व पालकांनी अभिप्रिया घटमाळ हीला वाढदिवसानिमित्त शुभेच्छा दिल्या. 
उपस्थित सर्व पालकांनी शाळेला आवश्यक बाबींसाठी तत्परतेने मदतीचे आश्वासन दिले.शाळेतील गुणवत्ता,व्यवस्थापन व विविध उपक्रमाचे सर्वांनी कौतुक करत भावी शैक्षणिक वाटचालीस शुभेच्छा दिल्या.शाळेतील विविध उपक्रमांना गटशिक्षणाधिकारी साईलता सामलेटी,विस्ताराधिकारी मिरा केदार,केंद्रप्रमुख कमल लाटे यांचे वेळोवेळी मार्गदर्शन लाभत असते. सभेचे संयोजन शाळा व्यवस्थापन समितीचे अध्यक्ष अमोल कुटे यांनी व आभार मुख्याध्यापिका वनिता चिलका यांनी तसेच सुत्रसंचालन सहशिक्षक अभिषेक घटमाळ यांनी केले.
